ലാസ്റ്റ് സീന്
"എല്ലാം കഴിഞ്ഞു. ഇനി ഞാന് അവനെ വെറുതെ ഓര്ത്തു വേദനിക്കില്ല. എന്നെ തിരിച്ചറിയാത്ത ഒരാളെ ഞാന് ഇനിയും മനസ്സില് സൂക്ഷിക്കെണ്ടല്ലോ.."- അവള് തന്നെ പറഞ്ഞു പഠിപ്പിച്ചു. അല്ലെങ്കിലും ഇങ്ങോട്ട് ഓര്ക്കാത്തവരെ വെറുതെ ഓര്മ്മിച്ചു വേദനിക്കെണ്ടതില്ലല്ലോ..
ഇത് വരെയുള്ള ചാറ്റ് ഹിസ്റ്ററി ഡിലീറ്റ് ചെയ്യുമ്പോള് അത് തന്നെ മനസ്സില് ഉരുവിട്ട് കൊണ്ടിരുന്നു. ഒന്ന് കൂടി ഉറപ്പിക്കാന്, അപ്പോള് ഓണ്ലൈന് ഉണ്ടായിരുന്ന അടുത്ത സുഹൃത്തിനോടും പറഞ്ഞു- "എല്ലാം അവസാനിചെടാ.ഇനിയോന്നുല്ല ബാക്കി."
സന്തോഷം, സമാധാനം- മനസ്സില് ഇതൊക്കെ വന്നു നിറയുന്നതായി അവള്ക്കു തോന്നി.
പാതിരാവും കഴിഞ്ഞു, ലൈറ്റ് അണച്ച് സുഹൃത്തുക്കള്ക്കും ഗ്രൂപ്പിനും ഗുഡ്നൈറ്റ് കൊടുത്തു ഉറങ്ങാന് കിടന്നപ്പോള് - മനസ്സില് വീണ്ടും വെറുതെ ഒരു തോന്നല് - അവന്റെ പ്രൊഫൈല് ലേക്ക് ഒന്ന് എത്തി നോക്കാന് ..
നോക്കി- കണ്ടു - "ഓണ്ലൈന്"
ക്ലോക്കില് നോക്കി-സമയം ഒരു മണി കഴിഞ്ഞിരിക്കുന്നു ..
ആരോടായിരിക്കും ഇത്ര വൈകിയിട്ടും അവന് ചാറ്റ് ചെയ്യുന്നത്.... -
സന്തോഷവും സമാധാനവും വന്നുവെന്ന് കരുതിയിടത് പിടച്ചില് ബാക്കിയുണ്ടെന്ന് അവള് തിരിച്ചറിഞ്ഞു ..
No comments:
Post a Comment